ქველმოქმედი, აკა სინჯიკაშვილი, სოციალურ ქსელში პოსტს აქვეყნებს და წერს, რომ “საქართველოს ბანკის” თანამშრომლებმა მისაღებში გათბობა გამორთეს და კარი ღია დატოვეს, რათა იქ მყოფ მოხუცს ღამის გათევა აღარ შეძლებოდა.
“საქართველოს ბანკის ფილიალში, თანამშრომლებმა შეამჩნიეს, რომ რამდენიმე დღის განმავლობაში მოხუცი ქალი ღამით სითბოში შედიოდა და იძინებდა. რაღაცა სასწაულით გუშინ ჯერ სითბო გამოირთო ვესტიბიულში. დღეს ნახეს, რომ ქალი მაინც მივიდა, რომ თოვლს მაინც მორიდებოდა. ამაზეც მოიფიქრეს გამოსავალი და სითბოს გამორთვის გარდა, ბოლომდე გაღებული დატოვეს კარი, ისე, რომ შიგნით გაჩერებას აზრი არ ჰქონდეს.
ამ რამდენიმე დღეში, მთელს ამ პროცესს ჩემი თვალით ვუყურე, თავის თანამშრომლებთან ყველა დიალოგით და ჩემთან აზრი არ აქვს იმ დებილობის თქმას, რომ რიგრრიგობით გაფუჭდა ამ ორ დღეში ყველაფერი.
ბებო ამაღამაც თბილად დაიძინებს და ხვალ საერთოდ სასწაულ ამბავს ვუმზადებთ. მაგ საქციელს კი ვაბშე არასოდეს არაფერი არ ეშველება. ვერცერთი ფულით ვერ იყიდი ადამიანობას.
ამწამსაც ასეა, შავი ზღვის ქუჩის კვეთაზე. შეგიძლიათ თქვენც შეამოწმოთ. გულიმერევა ასეთ საქციელზე და ამაზე თვალის დახუჭვა, მაგაზე მეტი დანაშაულია”, – წერს სინჯიკაშვილი.