თბილისში, წუხელ გვიან ღამით, კოტე აფხაზის ქუჩაზე სამსახურებრივი მოვალეობის შესრულების დროს პოლიციელი დაჭრეს. როგორც ცნობილია, ინცინდენტამდე ერთ-ერთ კლუბთან ჩხუბი იყო, რა დროსაც ადგილზე მისული პოლიციელი დაჭრეს.
გავრცელებული ინფორმაციით, სამართალდამცველის სიცოცხლეს საფრთხე არ ემუქრება, ის კლინიკაშია გადაყვანილი.
შინაგან საქმეთა სამინისტრომ გამოძიება სისხლის სამართლის კოდექსის 117-ე მუხლით დაიწყო, რაც სხეულის განზრახ მძიმე დაზიანებას გულისხმობს.