თბილისში, ლოტკინის დასახლებაში ლიფტი ჩავარდა. მაშველებმა სამი ადამიანი გამოიყვანეს.
არსებული ინფორმაციით, ერთი დაშავებული თბილისის პირველ საუნივერსიტეტო კლინიკაშია გადაყვანილი.
“აპარატზეა გადაყვანილი ტრავმული შოკის გამო. ახალგაზრდა მამაკაცია, ექიმები ადგენენ რა დაზიანებები აქვს. მდგომარეობა მძიმეა – ქვედა კიდური აქვს მოტეხილი, ჯერ არ ვიცით ხერხემლის დაზიანება აქვს თუ არა“, – ამბობს პირველი საუნივერსიტეტო კლინიკის კლინიკური დირექტორი, ლალი ტურძელაძე.
ინციდენტის დროს დაშავებული კიდევ ორი პირი ალადაშვილის კლინიკაში მოთავსებული, მათ სიცოცხლეს საფრთხე არ ემუქრება.