ბელგიაში ქართველი ტრანსგენდერის, ლიზა ქისტაურის გარდაცვალებას პარტია „ლელოს“ წევრი, ირაკლი კუპრაძე ეხმაურება და სოციალურ ქსელში წერს, რომ ქისტაურის გარდაცვალება ის იშვიათი შემთხვევაა, როცა საზოგადოების დიდი ნაწილი წუხილს გამოთქვამს.
“რატომ არის ჰომოფობია განსაკუთრებულად ცუდი?
იმიტომ რომ ეს არის ზიზღი, რომელიც თავისთავად კი არ არსებობს ვიღაცის გონებაში ან გულში, არამედ ყოველთვის გამოხატულია ვერბალურად და ფიზიკურად: მკვლელობით, შეურაცხყოფით, ფურთხებით, დაშინებით, ბულინგით, თვითმკვლელობამდე მიყვანით…
ყველა ფობია საშიშია და წინააღმდეგობაგასაწევი, რაც სიძულვილს და ძალადობას თესავს.
ქისტაურის შემთხვევა მგონი პირველია, როცა საზოგადოების უდიდესი ნაწილი წუხს და არ იცინის. ამაში წვლილი, სწორედ მას და მის იუმორსაც მიუძღვის.
R.I.P.“ – წერს კუპრაძე.