მომღერალი, ნინი შერმადინი, რომელიც გუშინ „ფეისბუქის“ პირად გვერდზე წერდა, რომ ქართველი ტრანსგენდერის, ლიზა ქისტაურის გარდაცვალებასთან დაკავშირებით გავრცელებული ინფორმაცია სიცრუე იყო, სოციალურ ქსელში მორიგ პოსტს აქვეყნებს.
„გუშინ პოსტი დავწერე, დავდე სქრინები სადაც მისი ოჯახის ახლობელი მწერდა, რომ ცოცხალი იყო, ელაპარაკნენ კიდეც, მის გარდა ძალიან ბევრმა მისმა და ჩვენმა საერთო ნაცნობმა მომწერა პირადში, რომ ცოცხალი იყო…
მომწერეს რომ, დედას ელაპარაკა დს კარგად იყო, რომ ნახეს ანტვერპენთან ახლოს…
მე სიკვდილის გაგონებაზე, მითუმეტეს ახლობელი ადამიანის ძალიან ცუდი რექცია მაქვს, არ მინდა დაჯერება და ყოველთვის ბოლომდე მინდა მჯეროდეს უკეთესის. რათქმაუნდა მისი ახლობლების დავიჯერე. დაგაჯერეთ თქვენც, გავბრაზდი ტელევიზიებზე თუ რატომ არ დააცადეს ოჯახს განცხადება გაეკეთებინათ, რის გამოც ბოდიშს ვიხდი. დღეს ვიგებ რომ პოლიციას დაუდასტურებია მისი გარდაცვალება…
მაპატიეთ, რომ შეცდომაში შეგიყვანეთ…
მეც ძალიან მოტყუებულად და იმედგაცრუებულად ვგრძნობ თავს, უბრალოდ ერთი დღით მეტი იცოცხლა ლიზამ ჩემთვის.
ბოდიში
ლიზა მშვიდობით ჩემო მეგობარო…
ძალიან მტკივა გული…
ძალიან ადრე წახვედი …
ვიზიარებ ოჯახის და მისი მეგობრების მწუხარებას…“ – წერს შერმადინი.
ცნობისთვის, ლიზა ქისტაურის გარდაცვალება ოფიციალურად დღეს, 6 იანვარს დადასტურდა.