ეს არის პირადად ჩემს ოჯახში შემოსული დიდი მწუხარება და ასეა საქართველოში ყველა ოჯახი, – ამის შესახებ პარლამენტის პირველმა ვიცე სპიკერმა, გიორგი ვოლსკიმ შატილის გზაზე მომხდარ ტრაგედიასთან დაკავშირებით განაცხადა.
„ეს არის მძიმე მწუხარება იმის გამო, რომ ჩვენ დავკარგეთ ადამიანები და ასეთი ტრაგედია მოხდა ჩვენ ქვეყანაში. ვიზიარებთ ოჯახების მწუხარებას და ხაზგასმით აღვნიშნავ, ეს არის პირადად ჩემს ოჯახში შემოსული დიდი მწუხარება და ასეა საქართველოში ყველა ოჯახი“, – განაცხადა გიორგი ვოლსკიმ.
შეგახსენებთ, შატილის გზაზე ავარიის შედეგად 17 ადამიანი გარდაიცვალა, სამის მდგომარეობა კი უკიდურესად მძიმეა.
სამგზავრო მიკროავტობუსი, რომელიც ტურისტულ კომპანიას ეკუთვნოდა, დაახლოებით, 80 მეტრის სიმაღლიდან კლდოვან ფერდობზე გადავარდა. შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო.