ფსიქოლოგი ცვატა ბერძნიშვილი სოციალურ ქსელში შობის დღესასწაულის აღნიშვნის თარიღთან დაკავშირებით ახალ პოსტს აქვეყნებს.
მისი თქმით, თუკი ამ საკითხს პოლიტიკურ სარჩულს გამოვაცლით, სულ სხვა რიცხვს მივიღებთ.
„კამათს იმის შესახებ, 25 დეკემბერს უნდა აღვნიშნოთ შობა თუ 7 იანვარს, თუკი პოლიტიკურ სარჩულს გამოვაცლით (ისე, როგორი გამოსაცლელია) და მხოლოდ თეოლოგიურს დავტოვებთ, ვნახავთ, რომ არც ერთი არაა სწორი.
საქმე ისაა, რომ ადრეული ხანის ქრისტიანები, ზოგადად, დაბადების დღეებს არ აღნიშნავდნენ, რადგან წარმართულ ტრადიციად მიიჩნეოდა. შესაბამისად, არც ქრისტეს ხორციელ დაბადებას ზეიმობდნენ.
ძველი ქრისტიანები აღნიშნავდნენ ქრისტეს სულიერად დაბადებას, მოვლენას, როცა ის გაცხადდა, როგორც ძე ღვთისა და მასზე სულიწმინდა გადმოვიდა. თეოლოგიურად, სწორედ ესაა “ქრისტეს შობა” და არა ის, ხორციელად როდის გაჩნდა. ეს კი მოხდა 6 იანვარს (ძველი სტილით 19 იანვარს). ანუ ძველი ქრისტიანები ნათლისღებას და შობას ერთად აღნიშნავდნენ.
ერთადერთი ეკლესია, რომელმაც ეს უძველესი ტრადიცია შეინარჩუნა, არის სომხური სამოციქულო ეკლესია.
თეოლოგიურად ყველაზე “სწორ” შობას გილოცავთ“ .