დღემდე არსებობს მოსაზრება, რომ ქალი ეკლესიაში შარვლით არ უნდა შევიდეს. ქალის სტილი ეკლესიაში წლების განმავლობაში ყალიბდებოდა. აქტუალურია ახლა? მღვდელი გიპასუხებთ, რა უნდა გეცვათ ეკლესიაში. Paparazzi გიამბობთ, საიდან მოდის ეს ტრადიცია და შეიძლება თუ არა დარღვევა.
რა ჩავიცვათ ეკლესიაში – სასულიერო პირი გიამბობთ, შეუძლია თუ არა ქალს ეკლესიაში შესვლა, თუ შარვალი აცვია. მისი თქმით, მართლმადიდებლური ეკლესიის არც ერთი წესი ქალს შარვლის ტარებას არ უკრძალავს. ძველ აღთქმაში ნამდვილად ნათქვამია: „ნუ ჩაიცვამს მამაკაცის ტანსაცმელს ქალი და ნუ შეიმოსება ქალის სამოსლით მამაკაცი, რადგან საძაგელია უფლისათვის, შენი ღმერთისათვის ყველა, ვინც ამას სჩადის.“ ოღონდ ახლა ამის ახსნა ისე, როგორც ძველი აღთქმის დღეებში იყო, სისულელეა. მაშინ არ არსებობდა არანაირი შარვალი, როგორც ახალი აღთქმის დროს. ახლა არსებობს, თან სპეციალურად ქალისთვის შეკერილი. შეიძლება ითქვას, რომ შარვალი მამაკაცის სამოსია? ნამდვილად არა. როგორც ხედავთ, ეს მოძველებული ფრაზაა.
მამაო შეგახსენებთ, რომ მართლმადიდებელი წმინდანებიც მამაკაცის სამოსს ატარებდნენ. მაგალითად, წმინდა ქსენია პეტერბურგელი ან დოსიფეა კიეველი. ამის გამო ეკლესიას არ გაუკიცხავს. ახლა ორივე წმინდანად შერაცხეს. ეს გვახსენებს, რომ არა ტანსაცმელი, არამედ ადამიანის შემადგენლობაა მნიშვნელოვანი. უნდა გესმოდეთ, რომ ეკლესიაში კაბის ჩაცმის და თავშლის დახურვის ტრადიცია მხოლოდ ჩვენთან არსებობს. სხვა ქვეყნების მართლმადიდებლურ ეკლესიებში ამის შესახებ არ იციან. მამაო მოგიწოდებთ, რომ ამაზე დაფიქრდეთ.
ეკლესია და წმინდა წერილი გვასწავლის, რომ კეთილი და გულწრფელი უნდა ვიყოთ, ჩვენი სინდისის მიხედვით ვიმოქმედოთ. გარეგნობის გამო ადამიანის გაკიცხვა ის არაა, რასაც უფალი გვასწავლის. სხვების გაკიცხვის და ზურგს უკან განხილვის უფლება არ გვაქვს. განსაკუთრებით ეკლესიაში მსახურების დროს. არადა ბევრი ცოდავს. აი, რაზე უნდა დაფიქრდეთ პირველ რიგში, როცა ეკლესიაში მიდიხართ. ნუთუ უფალი თქვენს ტანსაცმელს უყურებს?
მამაო მოგიწოდებთ, რომ გაიხსენოთ სიტყვები სახარებიდან: „რას ხედავ ბეწვს შენი ძმის თვალში, ხოლო შენსაში დირესაც ვერა გრძნობ?“ ადამიანები სხვების დანაშაულს მაშინვე ამჩნევენ, მაგრამ საკუთარის დანახვა არ შეუძლიათ. უმჯობესია, რომ ადამიანი უფალთან გულწრფელი გულით მივიდეს, თუნდაც შარვალი ეცვას ან თავშალი არ ეხუროს, ვიდრე გარეგნულად ღვთისმოსავი ქალი გრძელკაბაში მოვიდეს და წირვის შემდეგ გაკიცხოს ყველა, ვინც ტაძარში შეხვდა.
სწორედ ამიტომ, სასულიერო პირი მოგიწოდებთ შეწყვიტოთ დავა იმის შესახებ, შეუძლია თუ არა ქალს ეკლესიაში შარვლით შესვლა. მთავარია, რომ ნამდვილად უფლის საძიებლად მიხვიდეთ და არა უბრალოდ ქრისტიანულად გამოიყურებოდეთ. მამაოს მოსაზრებას ვემხრობით.
წყარო: paparazzi.ge