ქართველმა ფეხბურთელმა ხვიჩა კვარაცხელიამ იტალიურ მედიას ვრცელი ინტერვიუ მისცა.
“ევროპის ერთ-ერთი უძლიერესი მოთამაშე? მე ჯერ კიდევ ბევრი მაშორებს ამ წოდებამდე, მაგრამ ყველაფერს გავაკეთებ ამის დასადასტურებლად. ასეთი პატარა ქვეყნიდან ძნელია დიდ გუნდში მოხვედრა. ჩემი ოცნება იყო მეთამაშა ისეთ ცნობილ კლუბში, როგორიც ნაპოლია, მაგრამ ჯერ კიდევ დიდი გზა მაქვს გასავლელი.” – განაცხადა მან.
კვარაცხელიამ საკუთარ ძმაზეც ისაუბრა და აღნიშნა, რომ ის მასზე ძლიერი ფეხბურთელია:
“ჩემი უმცროსი ძმა ჩემზე ძლიერი ფეხბურთელია, მაგრამ მან მაინც უნდა დაამტკიცოს ეს. მას აქვს ყველა უნარი, რომ ჩემზე ძლიერი გახდეს. ის ჩემსავით თამაშობს მარცხენა ფლანგზე.” -აღნიშნა კვარაცხელიამ.