ილიონის ტერიტორიაზე 15 წლის ბიჭის გაუპატიურების ამბავმა მთელი საბერძნეთი შეძრა.
მედიის ინფორმაციით, აღნიშნულ საქმეზე დააკავეს სულ 6 მოზარდი, მაგრამ აქედან 5 გადაიყვანეს ციხეში, მე-6 გათავისუფლებულია პირობებით, ვინაიდან 15 წელს მიუღწეველია.
მედიასთან საუბრისას ერთ-ერთი ბრალდებულის ადვოკატმა, ემანუილ დიამანტარასმა, განაცხადა, რომ შეძრულია ნანახი კადრებით და ამის მეორედ ნახვა ვერ შეძლო.
„არ შემეძლო ვიდეო მეორედ მენახა. ეს არის ყველაზე ავადმყოფური შინაარსის ვიდეო, რაც კი მინახავს. ეს არის უპრეცედენტოდ ავადმყოფური…“
ადვოკატის თქმით, მისი დაცვის ქვეშ მყოფი არ მონაწილეობდა უშუალოდ ძალადობის პროცესში, მაგრამ იქ იმყოფებოდა და უყურებდა ამ ყველაფერს. რაც შეეხება თავად ბრალდებულებს, როგორც ჩანს, აღიარებენ სექსუალურ აქტს, მაგრამ უარყოფენ, რომ ეს ძალადობრივად მოხდა.
პოლიცია საქმეს იძიებს, ვინაიდან ჯერ კიდევ გასარკვევია, იყო თუ არა მოზარდების მიერ გადაღებული ვიდეოები გადაგზავნილი პორნოგრაფიული საიტებისთვის.
წყარო: “პრაიმ ტაიმი”