თათია შარანგია შეყვარებულია. ახალ რჩეულთან ფოტო, პიანისტმა და ტელეწამყვნმა სოციალურ ქსელში ახლახანს გამოაქვყნა. თუმცა ფოტოზე არ ჩანს მამაკაცის სახე…
ambebi.ge-მ გაარკვია, რომ თათიას ახალი რჩეული ჯარჯი თორაძეა. კაცმა სოციალურ ქსელში თათიას გადაღებული ფოტო ჯერ კიდევ რამდენიმე დღის წინ გამოაქვეყნა. წყვილის მიერ გავრცელებული ფოტოები ერთნარად არის დასათაურებული, უსასრულობა და სიყვარული…
ჯარჯი თორაძეს პირველი ქორწინებიდან ორი შვილი ჰყავს. როგორც წყარომ დაგვიდასტურა ის ძმები თორაძეებიდან ერთ-ერთის, ზაზა თორაძის შვილია. შეგახსენებთ, რომ 30 წლის წინ, თბილისში მომხდარმა საზარელმა მკვლელობამ ქვეყანა შეძრა.
თორაძეების ოჯახის 5 წევრი – ზაურ თორაძე, იზოლდა ქურხული-თორაძე და სამი შვილი – კახა, ლაშა და იმედო თორაძეები 30 წლის წინ, 1992 წლის 3 მარტს მოკლეს. მკვლელობიდან ცოტა ხანში დაიკარგა კიდევ ერთი ძმა – ზაზა თორაძე, 2 წლის შემდეგ კი უმცროსი ვაჟი – პაატა თორაძე. თორაძეების ოჯახის 5 წევრის მკვლელობა და 2-ის გაუჩინარება დღემდე გამოუძიებელია.
თათია შარანგია ბიზნესმენ სანდრო შელიას რამდენიმე თვის წინ დაშორდა. პირველად ამის შესახებ ბიზნესმენმა სოციალურ ქსელში სტატუსი თავად გამოაქვეყნა. შელია წერდა, რომ ათწლიანი ქორწინების შემდეგ გადაწყვეტილების მიღება მძიმე და მტკივნეული იყო, თუმცა კარგად გააზრებული…
მოგვიანებით, თათიამ ყოფილ მეუღლეზე განაცხადა, რომ ისინი არაჩვეულებრივ მეგობრებად და ერთმანეთის უპირობო მხარდამჭერებად რჩებოდნენ. თათია შარანგიასა და სანდრო შელიას ერთი საერთო ვაჟი ჰყავთ. ჟურნალისტს პირველი ქორწინებიდან ლაშა შევარდნაძესთან ორი ვაჟი – ედუ და სანი შევარდნაძეები ჰყავს.
წყარო: ambebi.ge