ჟურნალისტი ანა მარშანია სოციალურ ქსელში სახალისო ვიდეოს აქვეყნებს და მცირე კომენტარს ურთავს.
„ასეთი სანახაობა მარტო რამდენიმე ადამიანმა არ უნდა ვნახოთ, ამიტომ გიზიარებთ, კარანტინის ბავშვები საკუთარი აივნებიდან, დისტანციურად თამაშობენ „ჯეირანსა“ და „წეროები მიფრინავენ“.
კარანტინში მყოფ ადამიანებს ნომრის დატოვება და ეზოში ჩასვლა ეკრძალებათ.
შეგახსენებთ, 10 აგვისტოს ცნობილი გახდა, რომ მესტიის მუნიციპალიტეტის სოფელ ლენჯერში კოვიდ-19-ის 12 შემთხვევა დადასტურდა. ამავე კლასტერთანაა დაკავშირებული 5 შემთხვევა, რომელიც თბილისში გამოვლინდა.
საკოორდინაციო საბჭოს გადაწყვეტილებით, კორონავირუსის შემთხვევების გამო მესტიის მუნიციპალიტეტი ჩაიკეტა და მკაცრი საკარანტინო ზომები ამოქმედდა.
გადაადგილება აიკრძალა, როგორც მესტიის მიმართულებით, ასევე პირიქით, მესტიიდან სხვა მარშრუტების მიმართულებით.
დაბა მესტიაში, უშგულსა და ლენჯერში მუშაობის შესაძლებლობა აქვთ მხოლოდ აფთიაქები, სასურსათო მაღაზიები და საბანკო დაწესებულებები.