დიდ დიღომში მოკლული ახალგაზრდა, 28 წლის გიორგი წოწორიაა. მეზობლების თქმით, წოწორიას სახლში მიაკითხეს და 10-მდე ჭრილობა მიაყენეს.
მათივე ინფორმაციით, დაჭრილი წოწორია სადარბაზოში თავად ჩავიდა, სადაც ის მეზობლებმა ნახეს.
“მეზობლებმა დარეკეს პოლიციაში დაჭრილიაო, ყვირილის ხმა გავიგე და გავედი… ძალიან ბევრი ჭრილობა ჰქონდა, არ ვიცი ასეთი სისასტიკით როგორ შეძლება ადამიანი მოეკლა, ყელიც ჰქონდა გამოჭრილი და მაგის გარდა სხვა ჭრილობებიც… სახლში მიაკითხა მკვლელმა, დაუჭრია და დაჭრილი ჩამოსულა ქვემოთ”, – განაცხადა მეზობელმა.
რა გახდა მკვლელობის მოტივი ან ვინ არის დამნაშავე, ჯერ-ჯერობით, უცნობია. ცხედარი ექსპერტიზის ბიუროშია გადასვენებული. მომხდართან დაკავშირებით შსს-ს ოფიციალური კომენტარი ამ დრომდე არ გაუკეთებია.