ცნობილი ხდება გუშინ ახალქალაქში მომხდარი ინციდენტის ახალი დეტალები. იმ ამანათის ადრესატი, რომელშიც ასაფეთქებელი საშუალება აღმოჩნდა, მეეზოვე ინგა მაისურაძეა.
ქალი სიკვდილს გადაურჩა, თუმცა დაზიანებები მიიღო. პირველადი სამედიცინო დახმარების შემდეგ საკუთარ ბინაში აღარ დაბრუნდა. ინგა მაისურაძე საცხოვრებლად დასთან გადავიდა.
დანაშაული მომხდარიდან მალევე გაიხსნა. პოლიციამ 65 წლამდე ასაკის მამაკაცი დააკავა. ლევონ ფეშტალმაჯიანი ამ დრომდე დუმილის უფლებას იყენებს
შეგახსენებთ, გუშინ ახალქალაქში, სამხედრო დასახლებაში ამანათი გაიგზავნა. 40 წლამდე ქალს საჩუქარი სადარბაზოში, კართან დაუტოვეს. შეფუთვაში ტკბილეულთან ერთად კიდევ ერთი ნივთი იდო. ასაფეთქებელი მოწყობილობა, რომელიც რამდენიმე წამში ამოქმედდა. ძლიერი აფეთქების ხმა დაახლოებით 23 საათზე გაისმა.