26 წლის ფეხბურთელს, ამირ ნასრ-აზადანის ირანის ხელისუფლებამ სასიკვდილო განაჩენი გამოუტანა.
გავრცელებული ინფორმაციით, ის ირანში ანტისამთავრობო პროტესტში მონაწილეობდა.
როგორც iranwire.com იტყობინება, „რაჰ-აჰანის“ ყოფილ მოთამაშესთან ერთად, კიდევ რამდენიმე ადამიანს გამოუტანეს ანალოგიური ვერდიქტი. მათ ირანის სამი სამართალდამცავის მკვლელობაში დასდეს ბრალი.
შეგასხენებთ, ირანში საპროტესტო გამოსვლები სექტემბრის შუა რიცხვებში დაიწყო, როცა 22 წლის მაჰსა ამინი ჰიჯაბის არასწორად ტარებისთვის დააკავეს და სამი დღის შემდეგ გარდაიცვალა.