აჭარის ერთ-ერთ სოფელში, მამამთილმა რძალს სანადირო თოფიდან ზურგის არეში ესროლა. 40 წლამდე ასაკის ქალი, თამუნა ჯიქიძე ადგილზე გარდაიცვალა.
მოკლული ქალის დეიდა აცხადებს, რომ რომ მკვლელობაში ბრალდებულს ოჯახის წევრებსა და მეზობლებთან კონფლიქტი წარსულშიც ჰქონდა.
“იყო ძალიან მსმელი და პათოლოგი. ეჩხუბებოდა მთელ სოფელს, ოჯახის წევრებს ყველას. სახლში შემოვიდა გუშინ ეზოდან, შემოვიდა სამზარეულოში… საგიჟეთშიც ჰყავდათ 10 დღე, სულ პოლიცია ამოდიოდა, სულ მეზობლებს აგინებდა, სულ ვეხვეწებოდი, მაგ არანორმალურს მოაშორეთ ეს თოფი”, – თქვა ეთერ ბურჭულაძე.
მკვლელობა გუშინ გვიან ღამით მოხდა. რძლის მკვლელობაში ბრალდებული მამამთილი, 63 წლის კაცი პოლიციამ უკვე დააკავა. მას 20 წლით ან უვადო პატიმრობა ემუქრება.