ნოტარიუსი, ბაჩანა შენგელია სოციალურ ქსელში ემოციურ პოსტს აქვეყნებს და გარდაცვლილი დედის შესახებ წერს:
“ზუსტად ამ დროს, ოთხი წლის უკან ამ ჯოჯოხეთურ დროს გაჩერდა სამყაროში ყველაზე თბილი გული…
ოღონდ მხოლოდ სამედიცინო ენაზე გაჩერდა, რადგან ის მაინც გვათბობს, მისი დათესილი სიყვარული გვაბედნიერებს, გვავსებს, ყველა ფეხის ნაბიჯზე მხვდება და ამ სიყვარულს ლამის ხელით ვეხები.
ცოტა არ იყოს მერიდება გლოვა, თითქმის ყოველდღე გმირების სიცოცხლე ეწირება კაცობრიობის მტერთან ბრძოლას. ქვეყანა თითქოს შეეჩვია სიკვდილს, თითქოს ქვეყანას არეული აქვს მტერ-მოყვარის გარჩევის უნარი…
უსამართლობის კიდევ ერთი წელი გავიდა, მტრისგან მაინც მიჩვეული ვიყავით, წელს მოყვარე რომ გვეგონა, ცოტაც მათგან დაემატა.
და მაინც, ბედნიერი ვარ, რომ იას შვილი მქვია, ღმერთს მადლობა ამისთვის ბედნიერი ვარ მასთან გატარებული თითოეული წუთით, დღემდე ამოუწურავი სითბოთი და ენერგიით მავსებს, არც ერთი წამი არ მაკარგვინებს ცხოვრების და ბრძოლის სურვილს. არც ერთხელ, ყველაზე მძიმე მომენტშიც კი არ მიფიქრია დანებება, მაშინაც კი, როცა მეგონა ცა ჩამოიქცა, რადგან ია არის სიცოცხლის სიმბოლო. წელს ამ დღეს უკვე ანდრიასთან ერთად ვხვდებით, მის საოცნებო შვილიშვილთან და უდიდეს სიყვარულთან ერთად
მიყვარხარ, დე, კიდევ უფრო მეტად რაც გადის დრო და ხანი. არანაირი მკურნალი დრო არ არის, არ დაიჯეროთ. მე ვიტყოდი უფრო პირიქით, მაგრამ არც მჭირდება მკურნალობა, მინდა ჩემს გულში იყოს ია და ასეც იქნება, ასეთი გული მეორე არ არსებობს, ამიტომ მინდა სამუდამოდ დავიტოვო, ერთად უფრო ძლიერები ვიქნებით” – წერს შენგელია