„ნაციონალური მოძრაობის“ წევრი, კობა ხაბაზი უკრაინაში მებრძოლი ქართველებისთვის საქართველოს მოქალაქეობის შესაძლო ჩამორთმევის საკითხს ეხმაურება და სოციალურ ქსელში წერს.
„მე, მერაბ კოსტავას შვილობილს, საქართველოს მოქალაქეობა პუტინის მონის მონამ უნდა ჩამომართვას?
და გოროზი სვანეთის საამაყო გვარის, არღვლიანების შთამომავალს საქართველოს მოქალაქეობა სულგაყიდულმა არამზადამ უნდა ჩამომართვას?
მე, 9 აპრილის, ვარდების რევოლუციის, აჭარისა და მაიდნის გმირულ ეპოპეებში გამოზრდილ ქართველს, შენ, ფულის ტომრის მონამ უნდა ჩამომართვა მოქალაქეობა?
იმ დღეს მოვკვდე, შენისთანა ფურუნკულები რომ შემაშინებენ.
ჩემ სხეულში ქართული გული ფეთქავს და სულში საქართველოს სანთელი ანთია შენგან და თქვენგან განსხვავებით თქვე მოღალატეებო!“ – წერს კობა ხაბაზი.
ცნობისთვის, “სხვა ქვეყნის სამხედრო სამსახურში ყოფნა იწვევს საკუთარი ქვეყნის მოქალაქეობის დაკარგვას, ეს კანონით არის განსაზღვრული, – განაცხადა “ქართული ოცნების” დეპუტატმა, რატი იონათამიშვილმა.