პარტია “მოქალაქეების” ლიდერი, ალეკო ელისაშვილი უკრაინაში დაღუპული ქართველი მებრძოლის, ჯაბა ხოფერიას შესახებ საუბრისას პირდაპირ ეთერში ატირდა.
„უკრაინაში წასვლის შესახებ კაციშვილისთვის არ მითქვამს, მხოლოდ არჩილს დავურეკე და მოვიდა პარლამენტთან, შევხვდი. მითხრა ჯერ არ წახვიდეო. არ უნდოდა რომ გავეშვი, მაინც დავკარი ფეხი და წავედი. დიდი ოხერი კაცი ხარო მითხრა და თავისი შვილის ნომერი მომცა. იქ უკვე გაკვალული აქვს გზაო.
ვუთხარი რომ დავურეკავდი.. სახაჭაპურეში მივედით, ვიღაც შავი, როხროხა, უშველებელი ბიჭი გადმოდის და მეძახის. კიევში არავის ვიცნობდი, გავხედე, მოვიდა, ჩამეხუტა და მითხრა, მე აჩიკო ხოფერიას შვილი ვარო. იარაღი მოგვცეს, მაგრამ ჯავშანჟილეტები არ გვქონდა. შენ მაგაზე არ ინერვიულოო, მითხრა და მართლაც, რამდენიმე საათში უკრაინელმა მებრძოლმა მოგვიტანა ძალიან მაგარი ჯავშანჟილეტები.
მას შემდეგ სულ მწერდა, მკითხულობდა. ვეტერანის კოდექსი და ვეტერანი უნდა დაფასდეს. ჩვენ რომ ახლა ამერიკაში ვცხოვრობდეთ არჩილ ხოფერიაზე 5 წიგნი იქნებოდა დაწერილი. სულ მაჟრიალებს რომ ვლაპარაკობ…რა ბიჭი იყო…ასეთ ხალხზე როგორ შეიძლება ენა მოგიტრიალდეს და რაღაცები ილაპარაკო, ამან წაიყვანა ომში, ან იმან” – აცხადებს ელისაშვილი