სომხეთში სოფელ ჯაბერთან თვითმფრინავი ჩამოვარდა. საგანგებო სიტუაციების სამინისტროს პრესმდივნის ჰაიკ კოსტანიანის ინფორმაციით, თვითმფრინავი ზვართნოცის აეროპორტიდან ასტრახანისკენ მიემართებოდა.
„არმენპრესის“ ცნობით, სამოქალაქო ავიაციამ საგანგებო სიტუაციების სამინისტროს აცნობა, რომ B55 თვითმფრინავი რადარიდან გაუჩინარდა.
„ჩვენი ჯგუფები მივიდნენ შემთხვევის ადგილზე და სოფელ ჯრაბერთან დამწვარი თვითმფრინავი აღმოაჩინეს“, – აცხადებს კოსტანიანი.
მისივე თქმით, მომხდარის შედეგად დაღუპულია ორი პირი.
საგანგებო სიტუაციების სამინისტროს წარმომადგენლმა ასევე დასძინა, რომ თვითმფრინავი მინდორზე ჩამოვარდა და შესაბამისად, ინფრასტრუქტურა არ დაზიანებულა.