ჟურნალ სარკესთან მსახიობი მანანა კოზაკოვა იხსენებს იმ პერიოდს, როდესაც მკითხავთან დადიოდა და რა სიტუაციაც ხვდებოდა იქ. ზუსტად ამის შემდეგ მიხვდა რომ მკითხაობა და მსგავსი საქმეები სრული სისულელე იყო და ახალგაზრდობის შემდეგ აღარც მისულა მათთან.
“ახალგაზრდობაში მეც წავსულვარ მკითხავთან. იქ მხვდებოდნენ გაუბედურებული ქალები, რომლებსაც თავიანთი ქმრების ან საყვარლების ფოტოები ეჭირათ ხელში და მკითხავისგან “დახმარებას” ითხოვდნენ. მათ შემყურეს მეცინებოდა და კარგადაც ვერთობოდი. ვგრძნობდი, რომ უიღბლო ადამიანების თავყრილობა იყო. ხელმოცარული შედიხარ ვიღაცის სახლში, სადაც უბედური და შენსავით ხელმოცარული ადამიანები გხვდებიან, რომლებიც თვლიან, რომ მათ ქმრებს და საყვარლებს ჯადო გაუკეთეს. რა სისულელეა! მკითხავი დააბრუნებს სიყვარულს? სურათს რაღაცას რომ წაუსვამს ან დაადებს, სიყვარული დაგიბრუნდება?! პირველ რიგში, ეს საკუთარი თავის დაცინვაა და მეტი არაფერი. საწყალ ადამიანებს არაფრით უნდათ, საკუთარი ცხოვრებით გაიხარონ…”