ყველასთვის საყვარელი პატარა ლუკა შუბითიძის (რომელმაც საზოგადოებას თავი საკუთარი გამჭრიახობით და საუბრის მანერით ძალიან შეაყვარა) დედა, თამთა გიორგაძე, სოციალურ ქსელში პოსტს აქვეყნებს და დახმარებას ითხოვს. მისი თქმით, სამ ბავშვს მარტო ზრდის და იძულებულია, სამუშაოდ ემიგრაციაში წავიდეს.
“მეგობრებო, ვარ ლუკას დედა, თამთა გიორგაძე. პირველად ვწერ ასეთ პოსტს, მინდა რომ თქვენგან რჩევები და დახმარება მივიღო. ლუკას და მის და-ძმას წლებია მარტო ვზრდი. სამსახურის მოძიების მიზნით მიწევს მათი დატოვება ბებია-ბაბუასთან, ახლაც თბილისში ვმუშაობ.
სამწუხაროდ, ჩემი შემოსავალი არ არის საკმარისი 3 ბავშვის გასაზრდელად და მათთვის უკეთესი პირობების შესაქმნელად გადავწყვიტე ემიგრაციაში წასვლა.
ძალიან მიმძიმს ეს მდგომარეობა, მაგრამ აუცილებლობა მოითხოვს რომ ეს ნაბიჯი გადავდგა. ვფიქრობ იტალიაში წასვლას. გთხოვთ, რომ დამაკვალიანოთ და დამეხმაროთ თუ რა ეტაპები უნდა გავიარო წასვლისთვის, ასევე გთხოვთ დამეხმაროთ იტალიაში სამსახურის დაწყებაში,” – წერს თამთა გიორგაძე.