ტელეკომპანია “იმედს” უჩივიან. ინფორმაციას ამის შესახებ სოციალური ქსელის მომხმარებელი, გიორგი ბოლქვაძე ავრცელებს. მიზეზი ტელეკომპანიის მიერ უნებართვოდ გასაჯაროებული საუბრებია.
“გადაცემა “იმედის დღემ” ჩაიწერა და გაასაჯაროვა საუბარი, რომელიც პრივატული მეგონა, არანაირი გაფრთხილება იმის, რომ საუბარი იწერება, არ ყოფილა, არც ის რომ საჯაროდ გამოაქვეყნებდნენ. “იმედის” ტელევიზია რომ ფსკერია, დიდი ხანია ვიცი, მაგრამ ვერც კი ვიჯერებ, რომ ასეთი რამე იკადრეს. სარჩელი მომზადდება უახლოეს დროს, არც კი წარმოგიდგენიათ რა გელით”, – წერს ბოლქვაძე.
შეგახსენებთ, რომ ტელეკომპანია “იმედის” ჟურნალისტი დაუკავშირდა სოციალურ ქსელში კრიტიკული კომენტარების ავტორებს და პასუხი მოსთხოვა.