ჯანდაცვის ექსპერტი გიორგი ფხაკაძე სოციალურ ქსელში პოსტს აქვეყნებს და საქართველოში არსებულ ეპიდოლოგიურ, სოციალურ და კრიმინალურ ვითარებას ეხმაურება. ის წერს, რომ ქვეყანას “სასწრაფო ქირურგიული ოპერაცია” ესაჭიროება.
“თერჯოლაში ყოფილმა ქმარმა ორი შვილის დედას ბენზინი გადაასხა და დაწვა!
12 წლის მოზარდი დედა გახდა!
ქვეყანაში კოვიდ აფეთქებაა და ყველა საუბრობს “უსახელო ვირუსზე”!
ვერ ხედავთ, რომ ამ ქვეყანას სერიოზული პრობლემა სჭირს?!
დიაგნოზი უმძიმესია!
თერაპიული მსუბუქი მკურნალობა ამ ქვეყანას ვეღარ უშველის.
საქართველოს ესაჭიროება სასწრაფო და გადაუდებელი ქირურგიული ოპერაცია თავისი ძლიერი ქიმიოთერაპიებით! თუ ოპერაცია დროზე არ ჩატარდა, პაციენტი ვერ გადარჩება!
მე დიაგნოზი დავუსვი და ოპერაციის გამკეთებელი თქვენ მოძებნეთ. პარიზიდან თუ ჟენევიდან ეს რთული იქნება” – წერს ფხაკაძე