სოციალური ქსელის ერთ-ერთი მომხმარებელი ძალიან საინტერესო და თბილ პოსტს გვიზიარებს, როგორც ჩანს მან ბანკომატიდან ფულის გამოტანის დროს მხოლოდ ბარათი აიღო, ხოლო ფულის აღება დაავიწყდა, უკან დაბრუნებულს კი ადგილზე ქალი დახვდა, რომელმაც თურმე ფული შეუნახა და მის მოსვლას დაელოდა.
“წერეთელზე ბანკომატიდან ფული მოვხსენი. წავედი დელისთან და ტაქსიდან, რომ გადმოვედი მივხვდი, რომ ფული არ ამიღია, მარტო ბარათი გამოვაძრე. ძაან უიმედოდ დავბრუნდი ისევ ბანკომატთან და მხვდება ქალი, ცალ ხელში დიდი პარკი უჭირავს და
აშკარად ცუდ ხასიათზეა. მივედი ბანკომატთან და ცხადია ფული აღარ იყო. საკმაოდ სოლიდურ თანხაზე მაქ ლაპარაკი და არა ოც ლარზე. მაგრად შევაგინე საკუთარ თავს. უცებ მიტრიალდება ეს ქალი და მეკითხება შენ დაგავიწყდა ფულის აღებაო? კი თქო ვუპასუხე. აბა რამდენი იყოვო? ვუთხარი რამდენიც იყო. მერე შე დალოცვილო რა დამაყუდე აქ ერთი საათით, ცოტა ადრე ვერ მობრუნდიო და გადმომცა ფული. ერთ საათზე მეტხანს მელოდებოდა…”- წერს სოციალური ქსელის მომხმარებელი.
წყარო:newsline