თეოლოგი გიორგი ტიგინაშვილი სოციალურ ქსელში პოსტს აქვეყნებს, სადაც სასულიერო პირებს პედოფილიასა და ჰომოსექსუალობაში ამხელს. მისი თქმით, რუსეთმა 1927 წლიდან დღემდე მთლიანად გარყვნა, ნამუსი ახადა და ქრისტე დააკარგვინა ქართულ ეკლესიას.
“იოანე ანანიაშვილიც, ნიკოლოზ მახარაძეც (ერთი პედოფილი, მეორე სექსუალურად მოძალადე და განხორციელებული ჰომოსექსუალი) და გაიოზ კერატიშვილიც (ჰომოსექსუალი) – ერთმანეთზე უარესი თახსირები, ცრუ მღვდელმთავრები, კრემლის პირმშოები და პირწავარდნილი პროფანები იყვნენ.
გაიოზ კერატიშვილი მხოლოდ იმით სჯობდა ილია II-ს რომ მასზე ნაკითხი და ინტელექტუალი გაიძვერა იყო და შიოლაშვილების შიდა ინტრიგებს ემსხვერპლა, თორემ წესით და კანონით მთელი ეგ პლეადა ერთად იმსახურებდა პატიმრობასაც და განკვეთასაც!
მამათმავალი ზოსიმე შიოშვილი თავის წიგნში – “ცხოვრება ჩემი, შემოდგომაა გრძელი” – გაიოზს “დიდ მღვდელმთავარს” უწოდებს რაც ნამდვილად არ არის შემთხვევითი.
პირდაპირ უნდა ვთქვათ და ვაღიაროთ ფაქტოლოგიური მოცემულობა, რომ რუსეთმა ქრისტეფორე III-იდან – დღემდე (1927 წლიდან – ) მთლიანად გარყვნა, ნამუსი ახადა და ქრისტე დააკარგვინა ჩვენს საბჭოთა, სერგიანულ და წითელ “ეკლესიას”! ” – ნათქვამია თეოლოგის განცხადებაში.