ლელა კაკულიას ოფიციალურ ფეისბუქგვერდზე წინასწარმეტყველება ვრცელდება,რაც რუსეთის კალინინგრადის ოლქს უკევშირდება.
” 2011 წელი, 14 ნოემბერი. დიდი სირთულეები რუსეთს საკუთარ ტერიტორიაზე ეწყება. ავიღოთ, თუნდაც, კალინინგრადის ოლქი, სვერდლოვსკის ოლქი, რომელიც ურალის უმსხვილესი რეგიონია. ისინი ითხოვენ დამოუკიდებლობას და სხვა ოლქებიც დგებიან ამავე მოთხოვნით.
მოკლედ, რუსეთმა რაც გარეთ დათესა, ახლა საკუთარ სახლში იმკის. ეს ძალიან რთული პერიოდები იქნება რუსეთისთვის. პარალელურად ხდება სლავების გაერთიანება. ეს იქნება დიდი აუცილებლობა. ეს რუსეთის მომავალია.მოკლედ, დიდი ცვლილებები იქნება რუსეთში და ვხედავ, მოდის უფრო ახალგაზრდა და ძლიერი ძალა, რომელიც ქვეყანას ურთულესი პოლიტიკური ჩიხიდან გამოიყვანს.
მნიშვნელოვანი რეფორმები ჩატარდება,იცვლება რუსეთის მთლიანი სახე. ვხედავ, ისინი სწორ ნაბიჯებს დგამენ!
2011 წელი, 24 ნოემბერი
ყოველთვის ვხედავდი, რომ რუსეთი თითქმის მთელი მსოფლიოს წამყვან ქვეყნებს დაიპირისპირებს.
პუტინი საბჭოთა კავშირს ვერ აღადგენს! წარსულში წარმოთქმული წინასწარმეტყველება, რომ რუსეთი საბჭოთა კავშირის აღდგენას მოინდომებდა, მაგრამ ეს არ მოხდებოდა, სრულდება. ვხედავ, რომ კალინინგრადში რაკეტების განლაგება კიდევ უფრო დიდ და სერიოზულ მიზნებს უკავშირდება.
კალინინგრადი, ყოფილი კენინსბერგი, რომლთანაც რუსეთს სახმელეთო საზღვარი არ აქვს — მხოლოდ ბალტიის ზღვით უკავშირდება — მოითხოვს, რომ დამოუკიდებელ სახელმწიფოდ აღიარონ. ეს ყოველთვის სურდათ კალინინგრადელებს, მაგრამ, რა თქმა უნდა, რუსეთის მთავრობა ამაზე არასდროს წავა. ვხედავ, ასევე სვერდლოვსკის ოლქი — ურალის უმსხვილესი რეგიონიც იმავეს ითხოვს. თუ აფხაზეთი და სამაჩაბლო, ეს არარსებული სახელმწიფოები აღიარეთ, ჩვენ უფრო სრულყოფილი ქვეყანა რატომ არ უნდა გვაღიაროთო?
აი ეს კი დიდი თავსატეხი თემაა რუსეთის მთავრობისთვის.
რუსებო, გირჩევთ, ამ საკითხს ნუ შეხედავთ მსუბუქად. ეს უფრო დიდი პრობლემაა თქვენთვის მომავალში, ვიდრე ჩრდილოეთ კავკასია.
ვხედავ, დაიწყება გამოსვლები, ხალხი დიდ მიტინგებს მოაწყობს ლოზუნგებით, რომ ეს ტერიტორია რუსეთს საერთოდ არ ეკუთვნის.
მოკლედ, ყველაფერი ირევა. და ეს ძალზე სერიოზულია!!! “, – აღნიშნულია ინფორმაციაში.
ცნობისათვის: კალინინგრადის ოლქი რუსეთის ფედერაციის სუბიექტია. შედის ჩრდილო-დასავლეთის ფედერალური ოკრუგის შემადგენლობაში. არის რუსეთის ყველაზე დასავლეთით მდებარე და ფართობით ყველაზე პატარა ოლქი. სამხრეთიდან ესაზღვრება პოლონეთი, ჩრდილოეთით და აღმოსავლეთით — ლიეტუვა, ხოლო დასავლეთით — ბალტიის ზღვა.