გიორგი შაქარაშვილის საქმეზე სულ 17 პირია დაკავებული. ფეხბურთელ გიორგი შარაქაშვილის საქმეზე დაკავებულებს შორის შავი “ტოიოტა ქამრის” მძღოლი და მისი მგზავრები, ასევე მორაგბეები ა. გაგნიძე და ვ. მახარაძე, ძიუდოისტი და ჭაბუკებს შორის ევროპის ჩემპიონი გ. ტატიაშვილი. ინფორმაციას ავრცელებს ნიუპოსტი
გიორგი შაქარაშვილის საქმზე დაკავებულთა შორისაა თ. ბარბაქაძე, რომელც დაბადების დღის წვეულებას ესწრებოდა. ბარბაქაძე პოლიციაში განმეორებით გამოკითხეს, საბოლოოდ კი დააკავეს. ბარბაქაძის ადვოკატის ინფორმაციით, მისი დაცვის ქვეშ მყოფი რამდენიმე პირთან ერთად კონფლიქტის შემდეგ თბილისში წამოვიდა, თუმცა გარკვეული დროის შემდეგ მეგობრების წასაყვანად უკან დაბრუნდა. სწორედ ამ დროს მოხდა ინციდენტი ხიდთან.
“ორი მეგობარი, რომლებიც დარჩნენ, დაურეკეს და უთხრეს, რომ ჩამოდით გვირტყამენ, წაგვიყვანეთ აქედან. მოატრიალეს ავტომობილი, წამოვიდნენ უკან მცხეთის მიმართულებით და ეს ინციდენტი მერე მოხდა, როდესაც გზის პირას დაინახეს ის ხალხი, ვინც მათზე აგარაკზე იძალადეს და მოხდა ფიზიკური დაპირისპირება, რომელიც გრძელდებოდა მაქსიმუმ 10 წამი” – ამბობს გიორგი ფოფხაძე.