თალიბების ლიდერმა, მოლა ჰაიბათულა ახუნზადამ მოსამართლეებს უბრძამა, რომ განაჩენის გამოტანის დროს უკიდურესად მკაცრი სასჯელით იხელმძღვანელონ. მისი სურვილია დამნაშავეები შარიათის კანონებით გასამართლდნენ, რომლებიც საჯარო დასჯას, ქვით ჩაქოლვას, გაროზგვას და კიდურების მოჭრას ითვალისწინებს.
The Guardian-ის ცნობით, ახუნზადამ დაავალა მოსამართლეებს, გულდასმით განიხილონ საქმეები, რომლებიც „ჰუდუდის“ და „ყისასის“ დანაშაულთა კატეგორიებს განეკუთვნება. ამის შესახებ თალიბების ლიდერმა 14 ნოემბერს თავის ტვიტერში დაწერა.
„ჰუდუდის“ დანაშაულთა კატეგორიას განეკუთვნება: მრუშობა, ალკოჰოლის გამოყენება, ქურდობა, გზატკეცილების ძარცვა, სჯულის გმობა და ამბოხი. „ყისასი“ ვრცელდება ძირითადად მძიმე დანაშაულებზე, როგორებიცაა მკვლელობა და სხეულის განზრახ დაზიანება.