ომის დაწყებიდან დღემდე რუსებმა უკრაინაში 430 ბავშვი მოკლეს, 850 კი დაშავდა. ამის შესახებ ინფორმაცია უკრაინის გენერალურმა პროკურატურამ გაავრცელა.
უკრაინულმა მხარემ 46 523 ომის დანაშაული დაარეგისტრირა, რომელიც მოიცავს ომის კანონებისა და წეს-ჩვეულებების დარღვევას, აგრესიული ომის დაგეგმვას, მომზადებას, დაწყებას, წარმოებას.
ომის დანაშაულის მთავარი გამომწვევ პირებად იდენტიფიცირებულია 627 რუსი სამხედრო და სახელმწიფო მოხელე — მინისტრები, კანონმდებლები, მეთაურები, სამართალდამცავები და პროპაგანდისტები.
უწყების მიერ გავრცელებული მონაცემები არ მოიცავს აქტიური საომარი ქმედებების ადგილებში არსებულ სტატისტიკას.