ქალბატონი, რომელსაც თელავის მუნიციპალიტეტის სოფელ ყარაჯალაში კორონავირუსი დაუდასტურდა, ლილოს ბაზრობაზე მუშაობს. ინფორმაციას PrimeTime ავრცელებს.
თელავის ცენტრალურ საავადმყოფოში, მაღალი ტემპერატურით, ის გუშინ შეიყვანეს.
საეჭვო სიმპტომების გამო, მედიკოსებმა მას კორონავირუსზე ბიოლოგიური ნიმუში აუღეს. ტესტის შედეგი დადებითი აღმოჩნდა.
ამ წუთებში, ინფიცირებული პაციენტი, თბილისში გადაჰყავთ. მისი ჯანმრთელობის მდგომარეობა, ამ ეტაპზე დამაკმაყოფილებელია.