„ნაპოლის“ ქართველმა შემტევმა, ხვიჩა კვარაცხელიამ, წელის ტკივილის გამო, უკვე გამოტოვა მატჩები „ატალანტასა“ და „ემპოლისთან“ . ნეაპოლელებს შემდეგი თამაში 12 ნოემბერს „უდინეზესთან“ აქვთ. ჯერჯერობით უცნობია, შეძლებს თუ არა მასში მონაწილეობას კვარაცხელია.
„მას წელის ტკივილი ჯერ კიდევ აწუხებს და საჭიროა ზრუნვა, რომ თუ მდგომარეობა არ გაუმჯობესდება, საფრთხე მაინც არ შეექმნას. დამატებითი სიახლეები მხოლოდ უახლოეს დღეებში გახდება ცნობილი, მაგრამ ამ დროისთვის საეჭვოა, რომ კვარაცხელიამ 2022 წლის ბოლო მატჩი ჩაატაროს“ , – ინფორმაციას იტალიური მედია ავრცელებს.