მარნეულში კორონავირუსის ახალი შემთხვევა დაფიქსირდა. მარნეულის ეგრედწოდებულ ძველ საავადმყოფოში, სადაც პედიატრიული კლინიკაა განთავსებული, კორონავირუსი დაუდასტურდა ქალს. ქალი ამავე საავადმყოფოში მცირეწლოვან შვილთან ერთად იმყოფება.
პირი, რომელსაც COVID-19 დაუდასტურდა, მარნეულის მუნიციპალიტეტის სოფელი სავანეთიდანაა.
ინფიცირებული ქალი თბილისში, სამედიცინო დაწესებულებაში გადაყვანაზე უარს აცხადებს. ადგილზე საპატრულო პოლიციაა მობილიზებული.