მომღერალი სოფო ნიჟარაძის პირადი ცხოვრების მიმართ ინტერესი არ წყდება. ეს ინტერესი კი მას შემდეგ უფრო გამძაფრდა, რაც მესამე პრეზიდენტმა, მიხეილ სააკაშვილმა საზოგადოებას მისი და სოფო ნიჟარაძის უსაყვარლესი გოგონა, ელის მარია წარუდგინა.
სოფო პირადზე ძალიან იშვიათად საუბრობს. 2017 წელს იყო გამონაკლისი, როცა მან ,,პროფილში” თავისი პირადი ცხოვრების შესახებ ისაუბრა.
-მეხვეწებოდა, გამომყევი ცოლად, ყველაფერი შენთვის მინდაო, მაგრამ უარი ვუთხარი. მაშინაც იგივე სიმღერამ შემიშალა ხელი. მითხრა, არავითარ შემთხვევაში შენი სიმღერა არ მინდაო. მაშინ ძალიან პატარა ვიყავი, 19 წლის. ის იყო რუსეთში ძალიან ცნობილი ბიჭი…
ერთხელ მქონდა ასეთი შანსი, ცხოვრებაში უნდა გადამედგა რაღაც ნაბიჯი, დამევიწყებინა ყველაფერი, დამეტოვებინა უკან და ახალი ფურცლიდან დამეწყო ყველაფერი. ეს იყო რამდენიმე წლის წინ და მე ეს არ გავაკეთე. ახლაც მახსოვს ის ქუჩა თბილისში, სადაც მე ვიდექი და ვფიქრობდი… ვიფიქრე, რომ არ ვიყავი მზად მკვეთრი ნაბიჯებისთვის. იყო რაღაცები, რასაც ვერ გადავლახავდი, იგიგე ხალხზე ვიფიქრე, რას იტყოდნენ. მოკლედ, არ გადავდგი ეს ნაბიჯი, თორემ ჩვენ ახლა ერთად ვიქნებოდით. შეიძლება სიმღერისთვის საერთოდ დამენებებინა თავი და წავსულიყავი. ჰოდა, მაშინ რომ ვერ გადავწყვიტე, სიმღერისთვის დამენებებინა თავი, ამიტომ არ მოხდა არაფერი. თუმცა ვამბობ, რომ ამას ვნანობ, – მოუყვა მაყურებელს მომღერალი.
მაია ასათიანის კითხვაზე, არის თუ არა ეჭვიანი, სოფომ ასე უპასუხა:
-არა და ახლა თუ ის მიყურებს,გაწვება სიცილით. ისეთი სიტუაციები ყოფილა, რომ მიეჭვიანია, მაგრამ სისულელეებზე, უმიზეზოდ.