დაავადებათა კონტროლის ეროვნული ცენტრის სამედიცინო დირექტორის, პაატა იმნაძის თქმით, როდის დამარცხდება კორონავირუსი, ეს ცნობილ წინასწარმერტყველთან ლელა კაკულიასთან უნდა გავარკვიოთ.
როგორც იმნაძემ “პრაიმტაიმთან” განაცხადა, ვირუსი, სავარაუდოდ, მომავალ წელს დამარცხდება.
„ეგ კაკულიას ჰკითხეთ, ალბათ მომავალ წელს“ – განაცხადა იმნაძემ.
კითხვაზე, იმ ფონზე, როცა კორონავირუსის 10 შემთხვევის წყარო დადგენილი არ არის, არსებობს თუ არა დიდი ალბათობა, რომ ვირუსი უკვე ქვეყანაში მასიურად იყოს გავრცელებული, იმნაძე გვპასუხობს, რომ -„ჯერ არა“.
ინფორმაციისთვის, დღეს საქართველოში კორონავირუსის ინფიცირების შემთხვევა 15-ით გაიზარდა და ჯამში, 879 გახდა. ამ დროისთვის კორონავირუსისგან გამოჯანმრთელებულია 704 ადამიანი.