„თუ ყველა დავიცავთ რეკომენდაციებს, შეიძლება ამ მეორე ტალღაში არ შევიდეთ. თუ არ იქნება ის მდგომარეობა, რასაც ზოგიერთ რესტორნებში ვუყურებთ. თუ პლაჟებზე დაიცავენ რეკომენდაციებს და ყველა თავშეყრის ადგილებში ვიხმართ პირბადეს“,- ამის შესახებ დაავადებათა კონტროლის ცენტრის ხელმძღვანელმა, ამირან გამყრელიძემ ისაუბრა.
მისი თქმით, რეკომენდაციების დაცვით მეორე ტალღის თავიდან აცილება შესაძლებელია.
„აქამდე ქართველებს დამყოლობა ჰქონდათ ძალიან კარგი, ამიტომ მოვედით აქამდე. თუ ჩვენ ამ დინამიკით წავედით, ეს არავითარ საფრთხეს არ უქმნის არც სწავლის დაწყებას და არც არჩევნების ჩატარებას.
ღმერთმა დაგვიფაროს და თუ ისეთი სიტუაცია იქნა, როგორიც მეზობელ ქვეყნებშია და ჩვენ არ მოვუფრთხილდით საერთო მონაპოვარს, თუ ავიშვით (ბრჭყალებში) და თავისუფლება გვექნება, მაშინ არის ეპიდსიტუაციის გაუარესების რისკი“,- განაცხადა ამირან გამყრელიძემ.
მისივე თქმით, დღეს არჩევნების გადაწევის რეკომედნაციას ვერავინ ვერ გასცემს.
ბოლო მონაცემებით კი საქართველოში კორონავირუსით 879 ადამიანია ინფიცირებული. აქედან გამოჯანმრთელებულია 704. გარდაცვლილი კი 14 ადამიანია.