ირინა სარიშვილი სიციალურ ქსელში წერს, იმ საბავშვო ბაღისთვის, სადაც მას შვილები დაჰყავს მერიამ გათბობის სისტემის მოსაგვარებელი თანხები მხოლოდ ახლა გამოყო და ამიტომ ბაღი ნოემბერში იკეტება.
როგორც სარიშილი წერს, საგონებელშია ჩავარდნილი:
“ვაკის პარკის ტრაგედიის ფონზე, გუშინ რომ აუზში ხალხი დაიწამლა, ამის ფონზე ალბათ უხერხულია იმაზე უკმაყოფილების გამოთქმა რომ მერიამ ჩვენი საბავშვო ბაღისთვის მხოლოდ ეხლა გამოყო ფინანსები გათბობის სისტემის მოსაგვარებლად, რის გამოც ბაღი ნოემბერში იკეტება!
ჯერ ბავშვებისთვის რა ცუდია რიტმიდან უკვე მერამდენედ ამოვარდნა, მით უმეტეს ჩემებისთვის ეს საერთოდ კატასტროფაა. არაჩვეულებრივი ბაღია სრულფასოვანი სამჯერადი ძალიან კარგი კვებით, განვითარების პირობებით. საჯარო ბაღზეა საუბარი. მერე მშობლებისთვის ცალკე დრამაა, რადგან არანაირად არ გვქონდა ეს გათვალისწინებული არც ფინანსურად და არც დროის თვალსაზრისით. ისეთ საგონებელში ვარ ჩავარდნილი, მართლა არ ვიცი რა ვქნა!
უპატრონო მონების ქვეყანა!“ – წერს ირინა სარიშვილი.