“ეს გარყვნილება ბევრ მღვდელსა და მონაზონს ახასიათებს” – რომის პაპი პორნოგრაფიის წინააღმდეგ გამოდის

BBC წერს, რომ რომის პაპმა ფრანცისკემ მღვდლები და მონაზვნები ინტერნეტში პორნოგრაფიის ყურების საფრთხის შესახებ გააფრთხილა.

გამოცემის ინფორმაციით, პაპმა აღნიშნა, რომ პორნოგრაფია „მღვდლის გულს ასუსტებს“.

„ეს გარყვნილებაა, რომელიც ბევრ ადამიანს ახასიათებს, მღვდლებსა და მონაზვნებსაც კი. იქიდან ეშმაკი შედის. სუფთა გული, რომელსაც იესო ყოველდღე იღებს, ვერ აღიქვამს ამ პორნოგრაფიულ ინფორმაციას“, – განაცხადა ფრანცისკემ.

პაპმა ფრანცისკემ ასევე აღნიშნა, რომ ადამიანებმა სოციალურ ქსელებზე ბევრი დრო არ უნდა დახარჯონ.