ოჯახი უკვე მეოთხე დღეა, ფოთში დაკარგულ 22 წლის ჯანო ჯიქიას ეძებს.
უამინდობის გამო ფოთში, სამძებრო ღონისძიებები ამ დრომდე არ განახლებულა. მაშველები და მყვინთავები დაკარგული ახალგაზრდა მამაკაცის პოვნას ზღვაში ცდილობენ. ზღვასთან ერთად დაკარგულს ეძებენ სანაპიროზეც.
ბოლოს მამაკაცი ფოთის პორტის მიმდებარე ტერიტორიაზე დამონტაჟებულმა კამერებმა ზღვისკენ მიმავალი დააფიქსირეს.
დაკარგულის ოჯახს ვერსიებზე საუბარი უჭირს. შინაგან საქმეთა სამინისტრომ გამოძიება თვითმკვლელობამდე მიყვანის მუხლით უკვე დაიწყო.
ნებისმიერი ინფორმაციის შემთხვევაში დაუკავშირდით ოჯახს – 577 603 118, ან 112-ს.