მასტერშეფ ლევან კობიაშვილის ოჯახმა, წლების წინ, დიდი ტრაგედია გადაიტანა. მათ შვილი – 4 წლის გოგონა გარდაეცვალათ. მკაცრი გარეგნობის შეფმზარეული, ცდილობს, ორ ვაჟთან მეგობარი მამა იყოს. თუმცა, როცა საქმე სამზარეულოს ეხება, ავიწყდება, რომ საქმე შვილთან აქვს და მასაც ისევე ეჩხუბება, როგორც სხვას.
მასტერშეფი, ჟურნალ „სარკესთან“ ინტერვიუში, შვილებზე საუბრობს, სადაც 4 წლის ქალიშვილის ტრაგიკულ ისტორიას იხსენებს და გარდაცვალების მიზეზს ასახელებს:
“გოგონა, სამწუხაროდ აღარ გვყავს… დაბადებიდან თირკმლის უკმარისობა ჰქონდა და 4 წლის ასაკში გარდაიცვალა. ჩვენი უფროსი ბიჭი, 19 წლისაა, მეორე გოგონა იყო და მესამე შვილი – 9 წლის ხდება. ჩვენთვის ის დაუვიწყარი ტკივილია”, – განაცხადა ლევან კობიაშვილმა.