“ბავშვი დაიღუპა, მაგრამ ყველა მართალია!” – ვახო სანაია

ჟურნალისტი, ვახო სანაია სოციალურ ქსელში პოსტს აქვეყნებს და ვაკის პარკის ტრაგედიაზე წერს:

“ბავშვი დაიღუპა, მაგრამ ყველა მართალია !

• თბილისის მერი – მომხდარზე პასუხისმგებლობას არ იღებს. არც სამართლებრივს, არც პოლიტიკურს, არც მორალურს.
• ,,გრინსერვის +” – კონტრაქტორი კომპანია, რომელმაც სამუშაოები შეასრულა. მომხდარზე პასუხისმგებლობას არ იღებს.
• შპს ,,დავითი” – ქვეკონტრაქტორი: შადრევნის მოწყობის სამუშაოები შეასრულა. პასუხუსმგებლობაზე არაფერი ისმის.
• შპს “ჯორჯიან იუნიონი” – კასკადებისა და შადრევნების ელექტრომომარაგებისა და სუსტი დენებით უზრუნველყოფის სამუშაოები შეასრულა. პასუხისმგებლობაზე არაფერი ისმის.
• შპს ,,ნიუ მეტალ დიზაინი” – შადრევანი და კასკადის მოაპირკეთა. პასუხისმგებლობაზე არაფერი ისმის.
• მერია – გააფორმა მიღება-ჩაბარების აქტი. ჩაიბარა დასრულებული პროექტი. მომხდარზე პასუხისმგებლობას მერიიდან არავინ იღებს.
• ● ,,ელ ემ სი” – ეს კომპანია (პროექტის ავტორი) ავითარებს ვერსიას, რომ პროექტი ვიღაცამ შეცვალა. მომხდარზე პასუხისმგებლობას არ იღებს.
• ,,მშენექსპერტი” – ამტკიცებს, რომ მხოლოდ ფინანსური დანახარჯის ექსპერტიზა ჩაატარა. მომხდარზე პასუხისმგებლობას არ იღებს.
• შპს ,,სამშენებლო ექსპერტიზის ბიურო” – ამტკიცებს, რომ მხოლოდ ის შეამოწმა, რა და როგორ დაიხარჯა. ეს კომპანია მანამდე შავ სიაში იყო – მიცვალებულის მაგივრად მოაწერინეს ხელი ექსპერტიზის დასკვნაზე. კიდევ უფრო ადრე ამ კომპანიამ შეამოწმა ვარკეთილის მეტრო, რომელიც 4 თვეში ჩამოინგრა. ვაკის პარკის შემთხვევაზე პასუხისმგებლობას არ იღებს.
• თბილისის მუნიციპალური ლაბორატორია – სხვა კომპანიები ხელს იშვერენ, რომ სწორედ ეს ორგანიზაცია იყო პასუხისმგებელი ტექნიკურ უსაფრთხოებაზე. ლაბორატორია დუმს.” – წერს სანაია