აჭარის ტელევიზიაზე სტუმრობისას, პაატა იმნაძემ განაცხადა, რომ შესაძლოა ახალ წელს საგანგებო მდგომარეობით შევხვდეთ.
„ვნახოთ, ვნახოთ…“ – ასე უპასუხა დაავადებათა კონტროლის ეროვნული ცენტრის ხელმძღვანელის მოადგილემ აღნიშნულ საკითხთან დაკავშირებით წამყვანის კითხვას.
„ეს ყველაფერი იქნება დამოკიდებული ეპიდემიოლოგიურ მდგომარეობაზე. საქართველოში რესპირატორული დაავადების სეზონი იწყება ხოლმე ნოემბრის ბოლოს, ან დეკემბრის დასაწყისში.
საქართველო არც ისე დიდი ქვეყანაა. მსოფლიოში რაც იქნება, ის იქნება საქართველოშიც. ვნახოთ როგორი სიტუაცია იქნება ზამთარში, ან შემოდგომის ბოლოს.
დიდი ალბათობით დაავადება მობრუნდება. მანამდე ვაქცინა შესაძლოა არ მოესწროს, თუმცა იმედი მაქვს, რომ რაიმე ეფექტური ანტივირუსული საშუალება იქნება, რაც ვირუსის უკეთესად მართვის საშუალებას მოგვცემს“, – განაცხადა პაატა იმნაძემ.