მონაზონი, დედა სიდონია, თბილისის მერის მიერ “ბალენსიაგას” ქართველი კრეატიული დირექტორისთვის, დემნა გვასალიასთვის საპატიო თბილისელის წოდების მინიჭებას ეხმაურება და იმ სასულიერო პირებს აკრიტიკებს, რომლებიც ამ ფაქტს უარყოფითად შეხვდნენ.
დედა სიდონია სოციალურ ქსელში წერს:
“დემნას საპატიო თბილისელობის მინიჭებას უპროტესტებენო მთავრობას, რიგი სასულიერო პირები.
უიჰ, უიჰ და, ეკლესიის წიაღში არსებულ (სავარაუდო) მამათმავლობას თუ გმობენ და ამხელენ იგივენი?
ესაა სახელმწიფო, გაიგეთ! და მოქალაქე შესაძლოა იყოს ან ათეისტი ან არატრადიციული ორიენტაციის!
ჩვენი ვალი კი ისაა, დამაჯერებლად ვახაროთ ქრისტეს სიხარული ადამიანებს და ასე განვადიდოთ უფალი ჩვენ შორის!“, – წერს დედა სიდონია.