იტალიაში მცხოვრები ქართველი, გიორგი გვენეტაძე სოციალურ ქსელში პოსტს აქვეყნებს და “ნაპოლის” ქართველი ფეხბურთელის ხვიჩა კვარაცხელიასადმი იტალიელების დამოკიდებულებაზე საუბრობს:
“ერთმა კაცმა ცხოვრება შემიცვალა იტალიაში.
კვარას მაისურს როგორც კი ჩავიცვამ ყოველი მესამე იტალიელი მოდის, კვარაცხელიას სწორად წარმოთქმას ცდილობენ და ფოტოებს მიღებენ ნაპოლის ფანი მეგობრებისთვის გადასაგზავნად.
ნაპოლელ, ფეხბურთის მოყვარულებთან შეხვედრა საერთოდ განსაკუთრებულია, ლამის ოჯახის წევრივით მიღებენ და მთელი საქართველო უყვართ უკვე. ორმა უკვე დამპატიჟა მარადონას სტადიონზე ნაპოლის თამაშის ერთად საყურებლად და შემდეგ თვეში სთორებს დაელოდეთ.
მაისურისთვის საჯარო მადლობაც ბარემ კარლო ქავთარაძე”, – წერს გიორგი გვენეტაძე.
შეგახსენებთ, რომ ხვიჩა კვარაცხელია “ნაპოლიში” გასულ ზაფხულს გადავიდა. მას მოფერებით “კვარადონასაც” უწოდებენ.” – წერს გვენეტაძე