საქართველოში კორონავირუსი ადამიანს 582 დაუდასტურდა, აქედან 207 უკვე გამოჯანმრთელდა. ამის შესახებ ინფორმაცია ვებგვერდ Stopcov.ge-ზე გამოქვეყნდა.
კარანტინის რეჟიმშია 5025 ადამიანი, სტაციონარში მეთვალყურეობის ქვეშ კი – 540. ინფექციას სულ 7 ადამიანი ემსხვერპლა.
ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.