“საქართველოს ბანკზე” თავდამსხმელი გრიგოლ ნარსია პოლიციას ძალადობაში ადანაშაულებს. მისი ადვოკატების თქმით, დაკავებულს სახეზე დაზიანებები აღენიშნება.
ბრალდებული აცხადებს, რომ დაზიანება აყვანის დროს მიიღო, თუმცა მას პოლიციისთვის წინააღმდეგობა არ გაუწევია.
ბრალდებულ გრიგოლ ნარსიას ნამდვილად აღენიშნება საკმაოდ მძიმე ფიზიკური დაზიანებები. როგორც თავად განაცხადა, მას დაკავებისას წინააღმდეგობა არ გაუწევია სპეცდანიშნულების რაზმისთვის. მან დაზიანებები დაკავების დროს მიიღო. ერთმა პიროვნებამ მიაყენა თუ რამდენიმემ ის ამას ვერ განმარტავს”- ამბობს ადვოკატი.
დაკავებულს ბრალი ამ დრომდე არ წარდგენია. მან ყაჩაღური თავდასხმის მოტივზე ისაუბრა და განაცხადა, რომ თანხა, შვილის სამკურნალოდ ჭირდებოდა.
როგორც უფლებადამცველები აცხადებენ, დაკავებული მძევლების აყვანას არ აპირებდა, თუმცა გასროლის შემდეგ ადგილზე მალევე მივიდა პოლიცია და ის იძულებული გახდა, შენობაში დაბრუნებულიყო. მისი მტკიცებით, ასაფეთქებელი მოწყობილობა ნამდვილი არ იყო და ეფექტისთვის ჰქონდა.
წყარო: “ტვ პირველი”