,,ჯორჯიან უოთერ ენდ ფაუერი” მოსახლეობას წყალმომარაგების შესახებ აფრთხილებს.
,,12 სექტემბერს, ჯორჯიან უოთერ ენდ ფაუერი მიცკევიჩის ქუჩა N23-თან წყალსადენის ქსელზე აუცილებელ ტექნიკურ სამუშაოებს ჩაატარებს.
მომხმარებლებისთვის ნაკლები დისკომფორტის შექმნის მიზნით კომპანიის ჯგუფები სამუშაოებს ღამის განმავლობაში შეასრულებენ.
აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც, 12 სექტემბრის ღამის 23:00 საათიდან 13 სექტემბრის დილის 09:00 საათამდე წყალმომარაგება შეეზღუდება:
საბურთალოს რაიონში – მიცკევიჩის, ცაგარელის, ბურძგლას, საირმის, ქართველიშვილის, სიმონ სხირტლაძის, რამიშვილისა და ტანძიის ქუჩებს, ტაშკენტის N1-10, საირმის გორას.
ჯორჯიან უოთერ ენდ ფაუერი ბოდიშს უხდის მომხმარებლებს შექმნილი დისკომფორტისთვის”, – აღნიშნულია განცხადებაში.