მოდელი და ტელეწამყვანი ალექსანდრა პაიჭაძე სოციალურ ქსელში საკმაოდ აქტიურია და “ინსტაგრამზე” მის გამომწერებს ხშირად ესაუბრება. ამჯერად მან გამომწერებს ჰკითხა, რა სახის პირადი პროგრესი აქვთ. ერთ-ერთმა აღნიშნა, რომ საკუთარი თავის ფასი ახლა ისწავლა და აქამდე „ჭურში“ იჯდა, რაზეც ტელესახემ შემდეგი პასუხი გასცა:
„სამწუხაროდ, ქართველი გოგოების უმრავლესობა „ჭურიდან“ მოვდივართ. რას ვიზამთ, ჩვენივე დასამუშავებელი ყოფილა ის, რაც შეიძლებოდა ბავშვობიდან დიდი დოზით და პოზიტივით გვქონოდა. თვითრწმენა და საკუთარი თავის ფასი… არაუშავს. მთავარია, ვხვდებით და ვმოქმედებთ“ – წერს პაიჭაძე.