“მადლობა მიშა, რომ ძალიან ბევრი ახალგაზრდა გახდა სტუდენტი და არის გახარებული!” – ნიკო მიქაია

ანალიტიკოსი და სამოქალაქო აქტივისტი, ნიკო მიქაია სტუდენტებს ჩარიცხვას ულოცავს და საქართველოს მესამე პრეზიდენტს მადლობას საჯაროს უხდის.

“2 დღეა ვუყურებ ახალგაზრდების პოსტებს როგორ ჩააბარეს უნივერსიტეტებში, გახდნენ საუკეთესო უნივერსიტეტების სტუდენტები, როგორ აიღეს გრანტები და ა.შ. ვუყურებ და ძალიან მიხარია, რომ ასეთი მაგარი ახალგაზრდობა მოდის და რა თქმა უნდა მთელი გულით ვუსურვებ თითოეულ მათგანს ძალიან დიდ წარმატებას ცხოვრებაში!

ერთ რამეზე მწყდება გული მხოლოდ!
ჩემო უმცროსო მეგობრებო, თქვენი შრომა და სწავლა რომ დაფასდა, თქვენით რომ ჩააბარეთ უნივერსიტეტებში სასირველ ფაკულტეტებზე ისე, რომ ქრთამი არავის მოუთხოვია თქვენთვის, თქვენს ადგილას რომ არ მოხვდა ფულიანი მამიკოს და დედიკოს შვილი და თქვენ გულდაწყვეტილები არ დარჩით, ნამდვილად ერთი კაცის დამსახურებაა, რომელმაც ბევრი ახალი უნივერსიტეტი გახსნა, კორუფცია მოსპო ამ ქვეყანაში და ახალგაზრდებს მისცა საკუთარი ნიჭის რეალიზების საშუალება! ეს კაცი კი დღეს ციხეში კვდება და უბრალოდ იმის საშუალებას არ აძლევენ, რომ გადარჩეს!
სამწუხაროდ თვითონ არ ამბობენ და მე გეტყვი! მადლობა მიშა, რომ გუშინ ძალიან ბევრი ახალგაზრდა გახდა სტუდენტი და არის გახარებული! მაინც მოვა იმის დრო, რომ დაინახავენ შენს ამ დიდ საქმეს და სადღაც გულის სიღრმეში მაინც გეტყვის საქართველო მადლობას!”, – წერს მიქაია.