“ომის ვეტერანი ვარ, სულ ყველაფერი თითქმის ჩვენ კისერზე გადავიდა” – ამბობს აგვისტოს ომში დაღუპული გია და გელა რომელაშვილების მამა, მურაზ რომელაშვილი გიორგი კეკელიძის წიგნის “ომის ნამსხვრევები”-ის პრეზენტაციაზე.
„პირველ რიგში მე მინდა ის ვთქვა, რომ ომი დაიწყო რუსეთმა და რუსეთი ოკუპანტია. დიდი მადლობა იმ ბიჭებს, ვინც თავი შესწირეს, ვინც იბრძოდნენ 2008 წელს, 91-დან 93 წლამდე, ყველას დიდი მადლობა. დიდი მადლობა თქვენც და ყველა იმ ადამიანებს, ვინც დაიღუპნენ და ვინც კიდევ ცოცხლები არიან.
მე ისტორიებს არ მოვყვები, ჩემი ისტორიები ძალიან დიდი ისტორიებია და ბევრი ისტორიებია ჩემზე თუ ჩემს შვილებზე, მარა ერთს ვიტყვი, რომ 89 წლიდან მე ყველაფრის მომსწრე ვარ, მე ვარ ცხინვალელი, ცხინვალში ვცხოვრობდი, იქ დავიბადე, იქ გავიზარდე. 89 წლიდან, 91 წლის ომის ვეტერანი ვარ, სულ ყველაფერი თითქმის ჩვენ კისერზე გადავიდა. შემდეგ ზვიადის დაცვაში ვიყავი, შემდეგ სამშვიდობოში ვიყავი და ჩემს შვილებზე ხო, ზედმეტია რასაც ვიტყვი, თითქმის სულ ყველამ იცის მათი მოქმედება და იმ ბიჭების მოქმედება, რომლებიც 2008 წელს იბრძოდნენ. თავს არავინ შეგაწყენთ, დიდი მადლობა ყველაფრისთვის“ – განაცხადა მურაზ რომელაშვილმა.
